Qoraqalpog‘istonda 2022-yilning o‘tgan to‘qqiz oyida sodir bo‘lgan YTHlar oqibatida 82 nafar fuqaro vafot etgan. 235 nafari tan jarohati olgan. Bu haqda “Daryo”ga respublika IIV axborot xizmati xabar berdi.
Ma’lum qilinishicha, 2021-yilning xuddi shu davrida hududda 315 ta YTH sodir bo‘lib, 75 ta o‘lim holati va 240 jarohat olish qayd etilgan.Shuningdek, 7 ta hudud — Nukus shahri, Taxiatosh, Amudaryo, Qorao‘zak, To‘rtko‘l, Chimboy va Bo‘zatov tumanlarida YTH soni kamaygan. 9 ta tumanda esa avariyalar soni oshgan. Jumladan, Beruniyda YTH soni 41,3 foizga, Kegeylida 70 foizga, Qo‘ng‘irotda 26 foizga, Mo‘ynoqda 300 foizga, Nukus tumanida 9 foizga, Taxtako‘pirda 100 foizga, Xo‘jaylida 26,3 foizga, Shumanayda 25 foizga va Ellikqal’a tumanida 5 foizga o‘sgan, — deyiladi vazirlik axborot xizmati xabarida.
Izoh (0)