Ижтимоий тармоқларда ЙПХ ходими ва ҳайдовчи ўртасидаги можаро акс этган видео тарқалиб, кўплаб муҳокамаларга сабаб бўлмоқда. Тошкент шаҳар ИИББ ҳолат юзасидан маълумот берди.
Маълум қилинишича, 7 октябрь куни тахминан соат 07:30 да Тошкент шаҳар ИИББ ЙҲХБ инспектори Б.Н. Шайхонтоҳур туманидаги Бунёдкор ва Ислом Каримов кўчалари чорраҳасида тирбандликни бартараф этиш мақсадида ҳаракатни тартибга солиб турган. Бироқ соат 08:30 ларда Lacetti ҳайдовчиси Э.А. телефондан фойдаланиб, ЙПХ инспекторининг ишорасига бўйсунмасдан чорраҳага кириб келган.
ЙПХ инспектори ҳайдовчига содир этган қоидабузарлигини тушунтираётган вақтида ҳайдовчи ЙПХ инспекторини онасини ҳақорат қилган, натижада ўзаро тортишув юзага келган.
Айни пайтда ҳайдовчининг ҳаракатларига ҳуқуқий баҳо бериш мақсадида Шайхонтоҳур тумани ИИО ФМБ томонидан терговга қадар текширув ўтказилмоқда. ЙПХ инспекторининг хатти-ҳаракатлари юзасидан эса Тошкент шаҳар ИИББ томонидан хизмат текшируви ўтказилмоқда.
Қайд этилишича, якуни бўйича қонуний қарор қабул қилиниши таъминланади.
Изоҳ (0)