Дунёдаги иккинчи йирик криптовалютанинг дастурий таъминоти янгиланди

Дунёдаги иккинчи энг қиммат криптовалюта эфириум дастурий таъминотида кенг кўламли янгилашни якунлади. Бу ҳақда CNN хабар бермоқда.

Маълумотларга кўра, The Merge номи билан машҳур бўлган узоқ кутилган янгиланиш криптовалютанинг энергия сарфини қарийб 99,95 фоизга камайтиради.

The Merge асл Ethereum Mainnet’нинг Beacon Chain деб номланган алоҳида блокчейн билан бирлашишини назарда тутади, — дея қўшимча қилинади хабарда.

Шу пайтгача эфириум ҳам, биткоин ҳам «proof-of-work» деб номланган механизмда ишлаётган бўлиб, унда юқори қувватли компьютерлар талаб қилинган.

Янгиланиш эфириумни «proof-of-stake» деб номланган механизмга ўтказади, бу эса анча тежамкорроқ, чунки у компьютерларни бир-бири билан рақобатлашиш заруратини йўқ қилади.

Бунинг ўрнига фойдаланувчилар кўпроқ валюта учун пойгада иштирок этишда ўз эфирларини депозит қилади.

Deutsche Bank тадқиқоти таҳлилчиси Марион Лабоур бу ҳафта ўз эслатмасида ушбу янгиланиш билан эфириум хавфсизликни яхшилашга, энергия сарфини камайтиришга, тармоқдаги фойдаланувчилар сонини оширишга умид қилмоқда.

Таъкидланишича, янгиланиш бутун дунё бўйлаб электр энергияси истеъмолини 0,2 фоизга қисқартиради.

Сўнгги бир неча йил ичида криптовалюталар юқори ўсиш кўрсатган бўлса-да, кузатувчиларнинг таъкидлашича, улар атроф-муҳит учун зарарли.

Криптонинг энергиядан фойдаланишини кузатувчи Digiconomist платформасига кўра, битта эфириум транзакцияси  АҚШдаги ўртача уй хўжалигининг ҳафталик қувват истеъмолига тенг.

Шу ой бошида Digiconomist янгиланиш натижасида тежалган қувват Португалия каби мамлакатнинг электр энергияси истеъмолига тенг бўлишини айтди.

Янгиликдан сўнг эфириум 0,7 фоизга пасайиб, 1592,78 долларни ташкил этди, аммо таҳлилчиларнинг таъкидлашича, бу узоқ муддат крипто оламига катта таъсир кўрсатиши мумкин.

CoinDesk маълумотларига кўра, дунёдаги энг қиммат криптовалюта биткоин деярли 1 фоизга пасайиб, 20 174 доллардан сотилган.