20 августда хакерлар криптомаркет-мейкер Wintermute’дан 160 миллион долларга яқин криптовалютани ўғирлаган. Воқеа бу йил ўсиб бораётган йирик крипто ўғриликлари рўйхатидаги энг сўнггиси бўлди. Бу ҳақда CNN хабар бермоқда.
Компания асосчиси ва бош директори Евгений Гаевойга кўра, ўғрилик Wintermute’нинг марказлашмаган молиявий (DeFi) операцияларига қаратилган.
Крипто дунёсининг янги қисми бўлган DeFi хизматлари марказлаштирилган алмашинувларни тўхтатади ва асосан эфириум блокчейн технологиясига асосланган.
Elliptic блокчейн таҳлил фирмасига кўра, бу хизматлар очиқ манба коди, катта активлар гуруҳи ва тез ўсиши туфайли баъзи ҳолларда хакерлик ҳужумига жуда заиф деб ҳисобланади.
Chainalysis блокчейн таҳлил фирмасининг ўтган ойда эълон қилган ҳисоботига кўра, 2022 йилнинг дастлабки етти ойида 1,9 миллиард долларлик криптовалюта турли хизматларнинг хакерлари томонидан ўғирланган, бу ўтган йилнинг шу даврига нисбатан 60 фоизга кўпдир.
Гаевойга кўра, ўғриликка қарамасдан компания тўловларни амалга оширишга қодир, чунки унинг балансида ўғирланганидан икки баравар кўп маблағ бор.
Wintermute — бу Binance, Kraken, FTX, Coinbase ва бошқалар каби 50 дан ортиқ крипто платформаларига ликвидликни таъминлайдиган маркетмейкер.
Фойдаланувчилар келгуси бир неча кун ичида хизмат кўрсатишда узилишлар бўлиши мумкинлиги ҳақида огоҳлантирилди.
Аввалроқ дунёдаги иккинчи йирик криптовалютанинг дастурий таъминоти янгилангани ҳақида хабар берилганди.
Изоҳ (0)