Бугун,

  • USD 11095.31
  • RUB 173.84
  • EUR 10772.44

Diversity Visa Lottery — ҳар йили ўтказиладиган лотерея бўлиб, унда Америка 200 та мамлакат ўртасида 55 мингта иммиграция визаларини ўйнайди. Лотерея ютиб чиқиш — Америкада истиқомат учун гувоҳномага эга бўлишнинг энг оммабоп ва осон усули.

Лотереяда қатнашиш учун анкета тўлдирилади, унда шахсий маълумотлар кўрсатилади ва фотосурат илова қилинади. Аммо баъзи камчиликлар туфайли иштирокчи дисквалификация қилиниши мумкин. Анкета лотерея ўйинидан чиқариб юборилишига сабаб бўлувчи асосий хатоликлар ҳақида маълумот бериб ўтамиз.

Битта одамнинг номидан тўлдирилган, бир хил маълумотларни ўз ичига олувчи такрор анкеталар

Кўпинча бу ариза берувчи ва унга ёрдам бераётган шахснинг бир-биридан бехабар тарздаги хатти-ҳаражатлари натижасидир. Масалан, қайсидир танишингиздан сиз учун анкета тўлдириб беришини сўрадингиз, бўш вақтингиз бўлиб қолганида эса уни ўзингиз тўлдиришга қарор қилдингиз. Кейинроқ эса у аллақачон сиз учун анкета тўлдириб юборганидан хабар топдингиз. У ҳолда юз фоизлик эҳтимол билан иккала анкетангиз ҳам Green Card тизимидан ўчириб юборилади.

Ўзаро бироз фарқ қилувчи маълумотлардан иборат такрор анкеталар

Масалан, анкетани тўлдириб юборганингиздан кейин хатоликка йўл қўйганингиз эсингизга тушди. Вазиятни тузатиш учун яна битта анкетани тўлдирасиз ва бу сафар тўғри маълумотларни киритасиз. Бироқ лотереянинг автоматик тизими вазиятни номақбул деб топади ва иккала анкетани ҳам тизимдан чиқариб ташлайди.

Эски фотосурат

Бу аризани тўлдиришда энг кўп йўл қўйиладиган хатоликдир. Аввалги лотереяда ютган-ютмаганингиздан қатъи назар, анкета учун фотосурат камида олти ой аввал олинган бўлиши керак.

Фотосуратга график редакторлар ёрдамида ишлов бериш

Қоидаларга кўра, суратга график редакторлар орқали кучли ишлов бериш тақиқланади. Энг кўпи билан фонга ишлов бериш мумкин, лекин буни ҳам ўз ишининг усталари амалга оширгани маъқулроқ.

Фарзандлар ҳақидаги банд

Иштирокчининг аризасида турмуш қурмаган ва 21 ёшгача бўлган фарзандларининг барчаси кўрсатилиши керак. Улар сизнинг ўз фарзандларингиз бўладими ёки турмуш ўртоғингизнинг фарзандлари ё бўлмаса расман асраб олинган болаларингиз бўладими — ҳаммаси кўрсатилиши керак, акс ҳолда дисквалификация қилинасиз.

Green Card лотереясида қатнашиш учун анкеталарни қабул қилиш бошланиши билан, маълум ҳақ эвазига анкета тўлдириб бериш хизматларини таклиф қилувчилар кўпайди. Хусусан, эълонлар сайтларида бундай таклифлар талайгина.

Скриншот: «Дарё»

Скриншот: «Дарё»

 

Скриншот: «Дарё»

Скриншот: «Дарё»

 

Скриншот: «Дарё»

Скриншот: «Дарё»

Аслида ҳар бир киши Green Card учун аризани ўзи мустақил равишда бепул тўлдириши мумкин. Анкета АҚШ фуқаролик ва иммиграция хизмати расмий сайтида тўлдирилади.

Изоҳ
Асосий янгиликлар
Дунё
Ким Чен Ир топшириғи билан уюштирилган теракт, самолёт бошқариб ҳалокатга учраган «Формула-1» чемпиони ва немислар томонидан қатл этилган Космодемянская. Кун хроно...
Маҳаллий
Нукусдаги тартибсизликлар оқибатида етказилган зарар миқдори маълум бўлди
Маҳаллий
Ўзбекистонда оилавий боғчалар 50 нафаргача бола олиши мумкин бўлади