Пентагон АҚШ ва Норвегия икки давлатнинг узоқ масофага учувчи гипертовушли ва тезюрар қуролларни яратиш бўйича қўшма лойиҳаси доирасида қаттиқ ёнилғида ишлайдиган ҳаво-реактив двигателли учар аппаратни синовдан ўтказгани ҳақида маълум қилди. Ҳарбий идоранинг аниқлик киритишича, синовлар 17—18 август кунлари Норвегиянинг Аннея оролидаги полигонда ўтказилган.
«Иккала учириш ҳам муваффақиятли деб топилди, ёнилғиси тугаб, аппаратлар сувга қулашидан аввал улар юқори товуш тезлигини намойиш этди», — дейилади АҚШ Мудофаа вазирлиги баёнотида.
THOR-ER узоқ масофали гипертовушли ва юқори тезликдаги қуролни яратиш бўйича АҚШ ва Норвегия қўшма лойиҳаси ҳақида 2020 йилда эълон қилинганди.
«Ушбу синовлар орқали THOR-ER лойиҳасининг биринчи босқичи мақсадлари бажарилди», — дея таъкидлади Пентагон.
Изоҳ (0)