Ўзбекистонда йил якунигача 2 минг нафарга яқин беморда юқори технологияли операциялар ўтказилади. Ҳозирги кунда 24 та ихтисослаштирилган тиббиёт маркази ва жойларда уларнинг 269 та филиали фаолият кўрсатяпти, деб хабар бермоқда Соғлиқни сақлаш вазирлиги матбуот хизмати.
Қайд этилишича, мазкур муассасалар томонидан 6000 дан зиёд тиббий амалиётлар ўтказиш йўлга қўйилган. Шундан 750 дан ортиғини вилоят, 150 дан зиёдини туман даражасида бажариш ўзлаштирилди.
Республика ихтисослаштирилган тиббиёт марказлари томонидан йилнинг ўтган 9 ойида:
- Туғма юрак нуқсони бўлган 2505 нафар болада жарроҳлик амалиёти ўтказилди. Бу 2021 йилга қиёслаганда 700 дан ортиқ кўрсаткичдир.
- Кичик ёшли беморлардан 550 нафарида даволаш амалиётлари эндоваскуляр йўл, яъни қон томирлари орқали бажарилди.
- 344 нафар эшитиш заифлиги ва карлик мавжуд болалар кохлеар имплантация амалиёти билан қамраб олинди.
- республика бўйича 178 та буйрак трансплантацияси ўтказилди, шундан 34 таси ҳудудларда бажарилади;
- 42 турдаги лапароскопик, торакоскопик ва эндоваскуляр жарроҳлик усуллари амалиётга татбиқ этилди.
- 68 та буйрак трансплантацияси;
- 2 мингга яқин беморларда юқори технологияли амалиётлар бажарилади.
Изоҳ (0)