Тошкент шаҳар Халқ депутатлари кенгаши 2022—2023 йиллар иситиш мавсуми учун иссиқлик таъминоти хизматлари тарифларини тасдиқлади. Унга кўра, жисмоний шахслар шунингдек кичик, ўрта ва йирик бизнес учун тарифлар аввалги ҳолда қолади.
Халқ депутатлари Тошкент шаҳар кенгашининг 2022 йилнинг 26 сентябрдаги қарори асосида Тошкент шаҳар ҳокимлиги томонидан Veolia Energy Tashkent МЧЖ ХК томонидан кўрсатиладиган иссиқлик таъминоти хизматлари учун тартибга солинадиган нархлар (тарифлар)ни тасдиқлаш тўғрисидаги 2022 йилнинг 27 сентябрдаги қарори эълон қилинди.
Veolia Energy Tashkent МЧЖ ХК томонидан кўрсатиладиган иссиқлик таъминоти хизматлари учун тартибга солинадиган нархлар (базавий тариф) 397 212 сўм/Гкал миқдорида белгиланди. Юқорида айтиб ўтилган қарорга мувофиқ, иссиқлик таъминоти хизматлари учун чакана тарифлар қуйидагилар учун аввалги ҳолда қолади:
- аҳоли учун — 91 960 сўм/Гкал (2019 йил 15 августдан амалда);
- кичик, ўрта ва йирик бизнес учун — 141 737 сўм/Гкал (2019 йил 15 августдан амалда).
Базавий ва чакана тарифлар ўртасидаги фарқ Тошкент шаҳрининг маҳаллий бюджети ҳисобидан субсидияланади. Ушбу субсидиялар ва истеъмолчилардан иссиқ сув ва иссиқлик таъминоти хизматлари учун келиб тушган маблағлар, ҳамда Veolia Energy Tashkent МЧЖ ХКнинг ўзининг сарфланган маблағлари ҳисобидан:
- иссиқлик таъминоти тизимларининг режали модернизацияси ва қайта тикланишини амалга оширади;
- Сергели ва Бектемир туманларида компания пилот лойиҳаларини амалга оширади;
- истиқболда, иссиқлик энергиясини ишлаб чиқишга энергия ресурсларини сезиларли равишда қисқартирадиган, иссиқлик таъминотининг ёпиқ тизимга босқичма-босқич ўтишини амалга оширади.
Veolia, муниципал ва саноат мижозлар учун куйидаги фаолият соҳаларида: сув таъминоти ва дренаж, коммунал хизматлар ва энергетика, чиқиндиларни бошқариш тизимига ихтисослаштирилган, Парижда штаб-квартирасига эга бўлган кўп тармоқли француз компанияси ҳисобланади.
Изоҳ (0)