Бугун,

  • USD 11095.31
  • RUB 173.84
  • EUR 10772.44

Болгария президенти Румен Радев Украинанинг тезлаштирилган тартибда НАТОга қўшилишини қўллаб-қувватлаётган Марказий ва Шарқий Европанинг тўққизта давлати президентларининг баёнотига қўшилишдан бош тортди.

Фото: «РИА Новости»

Фото: «РИА Новости»

Гап 2 октябрь куни тарқатилган баёнот ҳақида кетмоқда — уни Марказий ва Шарқий Европадан НАТОга аъзо тўққизта давлат президентлари имзолаган эди, унда альянс Украинага ҳарбий ёрдамни сезиларли даражада оширишга чақирилган.

«Болгария НАТОнинг 2008 йилги Бухарест саммитида Украинанинг келажакда альянсга киришига оид декларациянинг бир қисмидир, аммо бу декларация бутунлай бошқача хавфсизлик муҳитида қабул қилинган эди», — дея қарорини изоҳлади Болгария раҳбари матбуот хизмати.

«Украина ҳудудидаги ҳарбий амалиётлар бугунги кунда унинг альянсга аъзолиги Шимолий Атлантика кенгаши доирасида тўлиқ муҳокама қилинишини ва бу НАТО давлатларининг урушга бевосита аралашуви хавфини туғдирмаслигини талаб қилади», — деди Радев.

Унинг сўзларига кўра, Украинанинг НАТОга кириши ҳақидаги қарор Украина ва Россия «можарони тинч йўл билан ҳал қилишнинг аниқ параметрлари»ни келишиб, амалга оширгандан кейингина қабул қилиниши керак.

Украина НАТОга тезлаштирилган тартибда аъзо бўлиш учун ариза топширди

Украина президенти Владимир Зеленский мамлакат ҳудудларининг Россия томонидан аннексия қилиниши фонида тезлаштирилган тартибда НАТОга аъзо бўлиш учун ариза топширган эди. Унинг сўзларига кўра, Киев ва НАТО аллақачон «де-факто иттифоқчилар», аммо бу мақом ҳужжатлаштирилиши керак. Жараён давомида Украина ўзи учун хавфсизлик кафолатлари бўйича музокаралар олиб бориш ниятида.

НАТО бош котиби Йенс Столтенберг Украинанинг альянсга қўшилиш ҳақидаги аризасига изоҳ берар экан, НАТОга аъзолик тўғрисидаги қарор 30 давлатнинг барчаси томонидан қабул қилиниши кераклигини, ҳозирда альянс Украинага Россиянинг шафқатсиз босқинидан ўзини ҳимоя қилиш учун тезкор ёрдам беришга эътибор қаратаётганини айтди.

Оқ уй жараённи бошқа вақтда муҳокама қилиш керак, деб ҳисобламоқда.

Европанинг 9 мамлакати — Польша, Чехия, Эстония, Латвия, Литва, Шимолий Македония, Черногория, Руминия ва Словакия Украинанинг НАТОга қўшилишини қўллаб-қувватлаб чиқди.

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди