Polsha, Chexiya, Estoniya, Latviya, Litva, Shimoliy Makedoniya, Chernogoriya, Ruminiya va Slovakiya Ukrainaning NATOga qo‘shilishini qo‘llab-quvvatlab chiqdi. Ushbu mamlakatlar prezidentlarining qo‘shma bayonoti Polsha yetakchisi Anjey Dudaning saytiga joylandi.
“Biz 2008-yilda Buxarestda bo‘lib o‘tgan NATO sammitining Ukrainaning bo‘lg‘usi a’zoli bo‘yicha qarorini qat’iy qo‘llab-quvvatlaymiz”, — deyiladi unda.
Bayonotni Polsha prezidentidan tashqari Chexiya prezidenti Milosh Zeman, Estoniya rahbari Alar Karis, Latviya yetakchisi Egils Levits, Litva prezidenti Gitanas Nauseda, Shimoliy Makedoniya rahbari Stevo Pendarovskiy, Chernogoriya yetakchisi Milo Jukanovich, Ruminiya prezidenti Klaus Yoxannis va Slovakiya rahbari Zuzana Chaputova imzoladi.
Yetakchilar, shuningdek, ularning mamlakatlari Ukraina suvereniteti va hududiy yaxlitligini qo‘llab-quvvatlab, Rossiyaning Ukraina hududlarini egallab olishga urinishlarini hech qachon tan olmasligini ta’kidladi. Bundan tashqari, ular Rossiyadan istilo qilingan hududlarning barchasini tark etishni talab qildi va hamma ittifoqdoshlarni Ukrainaga harbiy yordamni oshirishga chaqirdi.
2008-yil aprelida Buxarestdagi uchrashuv yakunida NATO mamlakatlari Ukraina va Gruziyaning NATOga a’zolikka intilishlarini ma’qullagan va ushbu davlatlar blok safiga qo‘shilishi gaqida kelishuvga erishgan edi.
Mavzuga doir:
- “Ukraina NATOga darhol a'zo bo‘lish uchun bugunoq ariza topshiradi” — Zelenskiy NATOga qo‘shilish arizasini imzoladi (video)
- “NATOga a’zolik to‘g‘risidagi qaror 30 davlat kelishuvi asosida qabul qilinadi” — NATO bosh kotibi Ukrainaning alyansga qo‘shilish borasidagi arizasiga izoh berdi
- “Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
- “Hozir Ukrainani NATOga qabul qilishning vaqti emas” — Oq uy jarayonni boshqa vaqtga qoldirish kerakligini ta’kidladi
Izoh (0)