Қозоғистоннинг Uralsк шаҳрида тунги клуб ёнида муштлашган Россия фуқаролари мамлакатдан чиқариб юборилади, деб хабар бермоқда Tengrinews.
«Uralsк ихтисослаштирилган маъмурий суди ‘Хорижликларнинг ҳуқуқий ҳолати тўғрисидаъги қонуннинг 28-моддасига асосан, муштлашувнинг барча иштирокчиларини мамлакатдан ташқарига чиқариб юбориш ҳақида қарор қабул қилди», — дейилади хабарда.
Ҳодиса 30 сентябрга ўтар кечаси содир бўлган . Полициячилар кузатув камералари орқали Uralsк тунги клубларидан бирининг ёнида эркаклар жанжаллашаётганини аниқлаган. Ҳуқуқ-тартибот органлари маълумотларига кўра, Россия фуқаролари алкоголь мастлик ҳолатида ўзаро муштлашган.
Тартиббузарларга нисбатан безорилик, жамоат жойига маст ҳолда келиш, осойишталикни бузиш моддалари бўйича маъмурий баённомалар расмийлаштирилган ва 5 суткага маъмурий қамоқ жазоси тайинланган.
Эслатиб ўтамиз, Россияда 21 сентябрь куни сафарбарлик эълон қилинганидан кейин Грузия, Қозоғистон, Финляндия билан чегараларда ҳарбий хизматга чақирилишдан хавфсираб, мамлакатни тарк этаётган россияликлардан иборат катта навбатлар ва автомобиль тирбандликлари юзага келди. Жуда кўп сонли россияликлар Қозоғистон ҳудудига ўтди.
Қозоғистон ОАВларининг хабар беришича, мамлакатнинг Россия билан чегара ўтиш жойларида кўп километрлик навбатлар барҳам топиб, вазият нормал ҳолатга қайтмоқда.
Мавзуга доир:
- Россия Финляндия билан чегарада кўчма сафарбарлик пунктини очди, Қозоғистон билан чегарада эса юқори шайлик ҳолатини эълон қилди
- Сафарбарлик эълон қилингандан кейин чегарадан қўшни давлатларга ўтган одамлар сони маълум қилинди
- «Бу муаммони Қозоғистон манфаатларидан келиб чиқиб ҳал қиламиз». Тўқаев россияликлар миграциясининг кучайиши сабабли Москва билан музокаралар олиб борилишини айтди
Изоҳ (0)