Бугун,

  • USD 11095.31
  • RUB 173.84
  • EUR 10772.44

Тайвань Мудофаа вазирлиги 2 октябрь, якшанба куни оролга Хитой армиясининг 22 та самолёти ва тўртта кемаси яқинлашиб келганини маълум қилди.

Архив

Архив
Фото: AP Photo

Бунга жавобан, вазиятни назорат қилиб туриш учун, Тайван ўз ҳаво патрулини юборди. Шунингдек, радиоогоҳлантиришлар эълон қилинди, зенит-ракета мажмуалари шай ҳолатга келтирилди.

Тайван бўғозидаги зиддият август бошида АҚШ вакиллар палатаси спикери Нэнси Пелосининг оролга сафари фонида бошланганди.

Ўшандан буён Тайвань ҳукумати ХХР ҳарбийлари чегарани бузиб киргани ҳақида хабарлар бериб туради. Хитой оролни ўз ҳудуди деб ҳисоблайди.

Тайвань атрофидаги зиддият

Шу йилнинг апрелида, америкалик конгрессменлар гуруҳи ташрифидан кейин Хитой ва Тайвань атрофидаги вазият кескинлашди. Август бошида Тайванга Вакиллар палатаси спикери Нэнси Пелоси келганидан кейин кескинлик ўз чўққисига чиқди. Унинг ташрифи Хитой томонидан қаттиқ танқидга учради. У Тайванни ўз вилояти деб ҳисоблайди ва унинг Пекин дипломатик алоқада бўлган мамлакатлар вакиллари билан мулоқотларига қарши чиқади.

Пелосининг ташрифига жавобан, Хитой Тайвань яқинида ҳарбий машғулотлар ўтказди. АҚШ ХХРни сунъий инқирозни келтириб чиқаришда айблади ва Вашингтоннинг позицияси ўзгармагани, у ҳамон ягона Хитой сиёсатига амал қилишини таъкидлади. Тайвань, ўз навбатида, Пекинни «мускулларини кўз-кўз қилишни» тўхтатишга чақирди.

Кескинлик кучайиши фонида Хитой 10 август куни «Оқ китоб»ни эълон қилди. Ушбу ҳужжат ҳар икки йилда янгиланади, унда мамлакатнинг миллий мудофаа стратегияси баён этилади. «Оқ китоб»нинг янги таҳририда Хитой Тайванни куч билан эгаллаб олиши мумкинлигини билдирди. Агар «ташқи аралашув кучлари» «қизил чизиқ»ни босиб ўтса, қатъий ҳаракатларга ўтиши ҳақида огоҳлантирди. Шунингдек, ушбу ҳужжатда Хитой «бир мамлакат, икки тизим» моделини таклиф қилди. Аммо Тайвань бу ғояни рад этиб, «Тайвань халқигина ўз келажагини ҳал қила олиши»ни айтди.

Аввалроқ АҚШ Марказий разведка бошқармаси Хитой Халқ Республикаси (ХХР) етакчиси Си Цзиньпин ўз ҳарбийларига 2027 йилга келиб Тайвань устидан ҳарбий назорат ўрнатишга тайёрланишни топширганини маълум қилганди.

АҚШ президенти Жо Байден агар Хитой томонидан кенг кўламли ҳужум бўлса, АҚШ ҳарбийлари Тайванни ҳимоя қилишини айтди.

Изоҳ
Asosiy yangiliklar
Дунё
Трампнинг собиқ маслаҳатчиси президент сайловида қатнашишга тайёрлигини билдирди
Маданият
«Кунига 1 000 доллар топганда талаш бўлган ота кексайганда ҳеч кимга керак бўлмай қолди» — Бобомурод Ҳамдамовнинг келини оиладаги келишмовчиликлар ҳақида (видео)
Спорт
Бразилия терма жамоаси кетма-кет 8 марта мундиал чорак финалига чиқди