Bugun,

  • USD 11014.01
  • RUB 191.8
  • EUR 10674.78

Xitoy mintaqadagi barqarorlik va tinchlikni buzish uchun “surbetlarcha” o‘z qurolli kuchlaridan foydalandi, Pekin o‘zining harbiy imkoniyatlarini ko‘z-ko‘z qilishni to‘xtatishi kerak, dedi Tayvan bosh vaziri Su Chjenchan.

Foto: “TASS”

Foto: “TASS”

“Biz Xitoy hukumatini har yerda mushaklarini ko‘z-ko‘z qilib va mintaqaviy tinchlikka to‘sqinlik qilib, o‘z harbiy qudratiga ko‘p ham ishonmaslikka chaqirishni istardik”, — dedi Su Chjenchan.

Uning so‘zlariga ko‘ra, “tashqi dushmanlar” kiberhujumlar va dezinformatsiya bo‘yicha kampaniyalar yordamida Tayvan aholisi ruhini tushirishga umid qilmoqda.

Tayvan Mudofaa vazirligi ma’lum qilishicha, 7-avgust kuni ertalab ko‘p sonli Xitoy kemalari, samolyotlari va uchuvchisiz uchar qurilmalari orol yaqinidagi mashg‘ulotlarni davom ettirib, Tayvanga hujumni mashq qilgan. Harbiy idoradagilar qayd etishicha, voqealarga “tegishli ravishda” javob ko‘rsatish uchun samolyot va kemalar yuborilgan.

Xitoy harbiylari o‘q otish mashqlari bilan dengiz va havo mashg‘ulotlarini 2-avgust, seshanba kuni, AQSH Vakillar palatasi spikeri Nensi Pelosining Tayvanga tashrifiga javoban boshlagan edi. Pekin orolni o‘z hududining bir qismi deb hisoblaydi, Tayvan hukumati esa orol mustaqil deb turib olgan. Xitoy hukumati Pelosini Tayvanga safari uchun tanqid qilib, uni provokatsiyalarda va “yagona Xitoy” tamoyilini buzishda aybladi.

Xitoy dastlab mashg‘ulotlar 7-avgust kuni yakunlanishini ma’lum qilgandi. 6-avgustda esa Pekin yana bir manyovrlar haqidagi e’lon qildi, ular Sariq dengizning janubiy qismida 15-avgustga qadar davom etadi.

AQSH, Yaponiya va Avstraliya tashqi siyosiy idoralari rahbarlari Xitoyni zudlik bilan Tayvan yaqinidagi harbiy mashg‘ulotlarni to‘xtatishga chaqirib, bu xatti-harakatlar “xalqaro tinchlik va barqarorlikka jiddiy ta’sir o‘tkazayotgani”ni ta’kidladi.

Pentagon qo‘mondonligi keskinlik fonida bir necha marta Xitoy armiyasi qo‘mondonligi bilan bog‘lanishga urindi, biroq ular qo‘ng‘iroqlarga javob bermadi.

Izoh
Asosiy yangiliklar
Mahalliy
“Andijonda sodir etilgan mudhish qotillik yuzasidan mahalla mas’ullari va hudud noziriga nisbatan xizmat tekshiri tayinlangan” — Bosh prokuratura
Mahalliy
O‘zbekiston internetda mualliflik huquqlarini himoya qilishga oid xalqaro bitimni tasdiqladi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi