Bugun,

  • USD 10940.05
  • RUB 182.26
  • EUR 11121.65

Xitoy armiyasi jangovar harakatlarda qatnashishga tayyorlanishga e’tiborini qaratishi kerak. Bu haqda XXR raisi Si Szinpin Pekinda milliy mudofaa va harbiy islohotlar bo‘yicha konferensiyada aytib o‘tdi, deb yozadi “RBK”.

Foto: Reuters

Foto: Reuters

“Islohotlar bo‘yicha muvaffaqiyatli tajribalarni puxtalik bilan umumiylashtirish va qo‘llash, yangi vaziyatni va vazifalar bo‘yicha talablarni tushunib yetish, e’tiborni urushga tayyorlanishga qaratish, innovatsiyalarni tadqiq qilish va joriy etishga jur’at qilish zarur”, — dedi Si Szinpin.

U Pekinning Xitoy milliy mudofaasi va Qurolli kuchlari islohotlarini takomillashtirishdagi muvaffaqiyatini tarixiy deb atadi, buning sharofati bilan milliy armiya endi yangi tizim va tuzilmaga ega ekanini aytdi.

Bundan tashqari, Xitoy yetakchisi Markaziy harbiy kengash, Milliy qurolli militsiya va harbiy akademiyalarga keyingi harbiy islohotlarni rejalashtirishni boshlashni buyurdi.

Yuqorida tilga olingan keng ko‘lamli islohotlarni o‘tkazish haqida Si Szinpin 2015-yilda e’lon qilgan edi. O‘shanda Xitoy armiyasi Bosh shtabining iste’fodagi polkovnigi Yue Gan uni 1950-yillardan buyon eng yirik harbiy islohot deb atagandi. Islohot doirasida barcha turdagi qo‘shinlarni yagona harbiy qo‘mondonlik ostida birlashtirish (u 2020-yilga kelib tuzilishi kerak edi) va “elita jangovar bo‘linmalari” tashkil qilish rejalashtirilgan edi. XXR raisi so‘zlariga ko‘ra, armiyada yangi intizomiy tuzilma, shuningdek, yangi siyosiy va yuridik qo‘mitalar yaratiladi.

Avvalroq AQSH Markaziy razvedka boshqarmasi direktori o‘rinbosari Devid Koen Si Szinpin o‘z harbiylariga 2027-yilgacha Tayvanni bosib olishga tayyorlanishni buyurganini ma’lum qilgan edi.

Iyul oxirida Xitoy Milliy ozodlik armiyasi rahbariyati askarlarni “urushga tayyorlanishga” chaqirgandi.

Shu yilning aprelida, amerikalik kongressmenlar guruhi tashrifidan keyin Xitoy va Tayvan atrofidagi vaziyat keskinlashdi. Avgust boshida Tayvanga Vakillar palatasi spikeri Nensi Pelosi kelganidan keyin keskinlik o‘z cho‘qqisiga chiqdi. Uning tashrifi Xitoy tomonidan qattiq tanqidga uchradi. U Tayvanni o‘z viloyati deb hisoblaydi va uning Pekin diplomatik aloqada bo‘lgan mamlakatlar vakillari bilan muloqotlariga qarshi chiqadi.

Pelosining tashrifiga javoban, Xitoy Tayvan yaqinida harbiy mashg‘ulotlar o‘tkazdi. AQSH XXRni sun’iy inqirozni keltirib chiqarishda aybladi va Vashingtonning pozitsiyasi o‘zgarmagani, u hamon yagona Xitoy siyosatiga amal qilishini ta’kidladi. Tayvan, o‘z navbatida, Pekinni “muskullarini ko‘z-ko‘z qilishni” to‘xtatishga chaqirdi.

Keskinlik kuchayishi fonida Xitoy 10-avgust kuni “Oq kitob”ni e’lon qildi. Ushbu hujjat har ikki yilda yangilanadi, unda mamlakatning milliy mudofaa strategiyasi bayon etiladi. “Oq kitob”ning yangi tahririda Xitoy Tayvanni kuch bilan egallab olishi mumkinligini bildirdi. Agar “tashqi aralashuv kuchlari” “qizil chiziq”ni bosib o‘tsa, qat’iy harakatlarga o‘tishi haqida ogohlantirdi. Shuningdek, ushbu hujjatda Xitoy “bir mamlakat, ikki tizim” modelini taklif qildi. Ammo Tayvan bu g‘oyani rad etib, “Tayvan xalqigina o‘z kelajagini hal qila olishi”ni aytdi.

Izoh
Asosiy yangiliklar
Mahalliy
O‘zbekistonda dollarning rasmiy kursi ko‘tarildi
Dunyo
Xersonning ozod qilingan qismidan ilk kadrlar. Rossiya chegaralaridagi tirbandliklar. Urushning 217-kunidan fotoreportaj
Mahalliy
“Katta miqdordagi noqonuniy sigaretalar bojxona nazorati o‘rnatilmagan aylanma yo‘llardan olib o‘tiladi” — Davlat bojxona qo‘mitasi mutaxassisi bilan suhbat