Ўзбекистонда тазйиқ ва зўравонликдан жабр кўрган 32 783 нафар хотин-қизга ҳимоя ордерлари берилди. Бу ҳақда АОКАда ўтказилган матбуот анжуманида маълум қилинди.
Ушбу тазйиқ ва зўравонлик ҳолатларининг 27 мингдан ортиғи оилада, 3 мингдан ортиғи кўчада, мингдан ортиғи жамоат жойида, 81 таси таълим муассасасида, 429 таси иш жойида содир этилган. Жисмоний зўравонлик — 9155 та, жинсий зўравонлик — 68 та, иқтисодий зўравонлик — 340 та, руҳий зўравонлик — 18 мингдан ортиқ, тазйиқ — 6 мингдан ортиқ.
Фарғонада — 2520 нафар, Хоразмда — 1501 нафар; Андижон, Самарқанд, Қашқадарё, Навоийда эса тазйиқ ва зўравонлик ҳолати камайгани аниқланди.
Ҳимоя ордери бериш натижасида 16 мингдан ортиқ оила яраштирилди, 14 мингдан ортиқ низо бартараф этилди, расмийлаштирилган 2862 та ҳимоя ордери натижасида маъмурий/жиноий жавобгарлик белгиланиб, хотин-қизларнинг бузилган ҳуқуқлари тикланди.
Чекка ҳудудлардаги маҳаллаларда истиқомат қилувчи аёллар учун ижтимоий реабилитация қилиш хизматини кенгайтириш мақсадида 28 та ҳудудий ва намунали туманлараро марказлар қошида 135 та ижтимоий маслаҳатхона ташкил этилди. Ушбу марказлар орқали 5000 дан ортиқ хотин-қизларга маслаҳатлар ва тавсиялар берилмоқда.
Изоҳ (0)