Ўзбекистонда илк бора ўтказилган «NASA International Space Аппс Challenge 2022» ўз ғолибларини аниқлади. Бу ҳақда «Ўзбеккосмос» агентлиги матбуот хизмати хабар берди.
1-2 октябрь кунлари пойтахтдаги «ИННО Технопарк» биносида илк бора NASA томонидан 2012 йилдан бери ўтказиб келинадиган хакатон ўз ғолибларини аниқлади. Икки кун давомида Ўзбекистон ёшлари космик тадқиқотлар ва технологиялар соҳасида ўзларининг билим, салоҳият ва қобилиятларини синовдан ўтказди.
Лойиҳанинг асосий мақсади NASAнинг очиқ маълумотларидан фойдаланган ҳолда иштирокчилар космоснинг энг долзарб бўлган муаммоларини янгича ёндашув ва қараш билан ечим топишдан иборат. Бу орқали кенг жамоатчилик орасида фазовий билимларга бўлган қизиқишни орттиришдир. Хакатон давомида жамоалар космик тадқиқотлар миссияларини тарғиб қилиш ва ердаги ҳаётни яхшилаш муаммоларини ҳал қилишда ўз қарашларини лойиҳалари орқали намоён этди.
Мусобақа натижаларига кўра, ҳакамлар ҳайъати томонидан учта ғолиб ва қўшимча равишда иккита рағбатлантирувчи совринга эга бўлган жамоалар ва хакатоннинг энг ёши кичик бўлган иштирокчиларга ҳомийлар томонидан совғалар топширилди.
Унга кўра:
- «Энг яхши илмий-техник лойиҳа»си йўналиши – «COSМОTEAM» ва «Power сун лимит» жамоалари;
- «Энг яхши таълим лойиҳаси»си йўналиши – «Team Зеро» жамоаси;
- «Ёш космик муҳандислар»си йўналиши — Алексей Крамер, Владимир Сой, Саиддиёр Собиров.
Мазкур тадбир «Ўзбеккосмос» агентлиги, NASA, Ўзбекистон Ёшлар ишлари агентлиги, Инновацион ривожланиш вазирлиги, «Сеҳриё» хусусий таълим мактаби, «ИННО Технопарк», «Универсал банк» ва «International Digital University» ҳамкорлигида ташкил этилди.
Изоҳ (0)