Фарғона шаҳрида аёлнинг пластик картасидаги пулларини алдов йўли билан қўлга киритган шахс жавобгарликка тортилди. Бу ҳақда вилоят ички ишлар бошқармаси ахборот хизмати хабар берди.
Қайд этилишича, 23 август куни М.А. Telegram орқали К.М.нинг ишончига кириб, ўзининг Click ходими эканини айтиб, пластик картани ҳимоялаб беришини билдирган. Сўнг карта рақамларини қўлга киритиб, тегишли банк томонидан берилган пластик картасидан жами 9 миллион 100 минг сўм пулларни ечиб олган.
Мазкур ҳолат юзасидан шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси 2-қисми «в» банди (фирибгарлик) билан жинояти иши қўзғатилган.
Юқорида кўрсатилган жиноятни содир этган шахс 10 йилгача озодликдан маҳрум қилиш билан жазоланиши мумкин.
Изоҳ (0)