Криштиану Роналду психологга мурожаат қилгани маълум бўлди

Психология профессори, ёзувчи Жордан Питерсон Криштиану Роналду билан суҳбати ҳақида гапирди.

У менга мурожаат қилди. Бир неча ой олдин унинг ҳаётида муаммолар пайдо бўлган ва унинг дўсти мен иштирокимдаги бир нечта видеоларни Роналдуга жўнатган. Криштиану у видеоларни кўргани, менинг битта китобимни ўқиб чиққани ва фойдали деб ҳисоблаганини айтди.

У мен билан гаплашишни хоҳлади ва уйига чақирди. Суҳбатимиз икки соат давом этди.

Криштиану формасини учлаб туриш учун фойдаланадиган барча жиҳозларини кўрсатди, ўз компанияси ҳақида гапирди, бироқ асосан келажак ҳақида гаплашдик. У ҳаётида дуч келаётган баъзи тўсиқлар ҳақида гапирди. У билан стратегик суҳбат қурдик деб айта оламан.

Жордан Питерсон, психолог

Ёзда Криштиану Роналдунинг «Манчестер Юнайтед»ни тарк этиши, у Чемпионлар Лигасида иштирок этувчи клубга ўтишни хоҳлаётгани хабар қилинганди. Бироқ португалиялик футболчи манкунианликлар сафида қолиб, Европа Лигасида иштирок этишга розилик берди.

37 ёшли ҳужумчи мавсумни кўнгилдагидек бошлай олмади. Роналду жорий мавсум «Манчестер Юнайтед» ва Португалия сафида 10 та ўйинда иштирок этди ва фақатгина Европа Лигасида «Шерифф»га қарши учрашувда гол уришга муваффақ бўлди. Португалиялик ўйиннинг 39-дақиқасида пенальтини аниқ амалга оширган.