1 октябрдан Таиланд COVID-19 билан боғлиқ барча чекловларни бекор қилади

Тошкентда Таиланд туризм бошқармаси томонидан ўтказилаётган «Амазинг Thailand Roadshow 2022» доирасида пандемиядан кейинги биринчи тадбир бўлиб ўтди.

Тадбирда Таиланд сайёҳлик соҳаси мутахассисларидан иборат катта делегация Ўзбекистон туризм сектори вакиллари билан учрашди. Таиланднинг сайёҳлик компаниялари, меҳмонхона эгалари, мезбон компаниялар Марказий Осиёдан келган ҳамкасбларига ўз таклифлари ҳақида батафсил айтиб беришди.

Шунингдек, тадбирда Таиланд туризм бошқармаси бошлиғининг халқаро маркетинг (Европа, Африка, Яқин Шарқ ва Америка) бўйича ўринбосари жаноб Чаттан Кунжара На Аюттҳая бошчилигидаги делегация иштирок этгани лоҳида аҳамият касб этди.

Тадбир давомида жаноб Чаттан журналистларнинг саволларига жавоб беришга вақт ажратди ва Таиланд ҳар доим Марказий Осиё ва МДҲдан келган сайёҳларни интиқлик билан кутаётгани ва улар Таиландни қанчалик севишини билишини яна бир бор таъкидлади.

1 октябрдан Таиланд COVID-19 билан боғлиқ барча чекловларни бекор қилади. Эндиликда чет эллик сайёҳлар мамлакатга кириш учун вакцина олганлиги ҳақидаги сертификат ёки ПЗР тести натижаларини тақдим этиши шарт эмас.