28 сентябрь куни ЛХР раҳбари Леонид Пасечник Владимир Путинга «Россияга қўшилиш» илтимоси билан мурожаат қилди. Унинг ортидан Херсон ва Запорожье вилоятлари раҳбарлари Владимир Салдо ва Евгений Балицкий эргашди. Шимолий Осетия раҳбари Сергей Меняйло Россиянинг бошқа ҳудудларидан келаётган автомобилларнинг республикага киришини тақиқлади: республиканинг Грузия билан чегарасида сафарбарликдан қочганлар ўнлаб километрлик тирбандлик ҳосил қилган. Киев прокуратураси урушнинг иккинчи кунида Россия гвардиясининг беш нафар жангчиси Гостомелда тинч аҳолининг машиналарига ўқ узганини маълум қилди — Россия Мудофаа вазирлиги бу баёнотга изоҳ бермади. Meduza урушнинг 217-кунига оид асосий фотосуратларни тақдим этди.
Харьковдаги темир йўл станциясига берилган зарба оқибатлари
Украина Фавқулодда вазиятлар бўйича давлат хизмати хабар беришича, Харьков ўт ўчирувчилари бир кунда тўққиз марта ёнғинни ўчиришга чиқган, жумладан, зарбалар оқибатида юзага келган ёнғинлар ўчирилган. Харьковдаги инфратузилма объектларига учта ракета тегди, деб хабар қилади идора.
Донецк вилоятининг Николаевка қишлоғидаги вайронагарчилик
28 сентябрь куни эрталаб Россия кучлари Донецк вилоятининг Николаевка қишлоғини ўққа тутди. Украина Давлат Фавқулодда хизмати хабар беришича, ҳужум пайтида бир аёл ҳалок бўлган, мактаб биноси ҳам қисман вайрон қилинган.
Херсон вилоятининг озод қилинган қисмидан олинган илк кадрлар
Август ойи охирида Украина Қуролли кучлари Херсон ва Харьков вилоятларида қарши ҳужумга ўтди. Сентябрь ойи ўрталарида Украина жанубидаги фронт чизиғи 12 километр олдинга силжиди, жанубдаги 13 та аҳоли пункти ва 500 квадрат километрдан ортиқ ҳудудлар озод қилинди, дея маълум қилган Украина Қуролли кучлари генерали Дмитрий Марченко.
Россия чегарасидаги навбатлар
Россияликлар сафарбарликнинг биринчи куниданоқ қўшни давлатларга ёппасига кетишга уринмоқда. Грузия ва Қозоғистон билан чегарада ўнлаб километр узунликдаги тирбандликлар юзага келган. Финляндия ҳукумати Шенген визасига эга россияликлар учун ҳам чегарани ёпишга тайёрланмоқда. Норвегия билан чегара ҳамон одатдагидек ишламоқда.
Россиядаги сафарбарлик
21 сентябрь куни Владимир Путин «қисман» сафарбарлик бошланганини эълон қилди. Бу вақт ичида минглаб россияликлар ҳарбий комиссариатга чақирув қоғозини олди, улар орасида армияда ҳеч қачон хизмат қилмаган, ҳарбий мутахассисликка эга бўлмаган ва хизматга «мос келмайдиган» Д тоифасидаги эркаклар ҳам бор.
Луганскдаги билбордлар
Изоҳ (0)