Ижтимоий тармоқларда Чирчиқ дарёсида кўп миқдордаги балиқлар нобуд бўлгани тўғрисида видеохабар тарқалганди. Давлат экология қўмитаси матбуот хизмати ҳолат юзасидан муносабат билдирди.
Қайд этилишича, ҳолат юзасидан қўмитанинг инспекторлардан иборат ишчи гуруҳи томонидан Чирчиқ дарёси ўзани бўйича ўрганиш олиб борилмоқда.
Мазкур ҳолатга аниқлик киритилиб, келиб чиқиш сабаблари ва амалга оширилаётган чоралар тўғрисида қўшимча маълумот берилади.
Мутахассисларнинг маълум қилишича, видеодаги балиқлар кумушранг тобон балиқлари ҳисобланади. Бу ҳолат фақат шу йил кузатилаётгани йўқ. Бу ҳолат ҳар йили такрорланиб келмоқда. Балиқлар ростан ҳам заҳарланиш натижасида нобуд бўлган кўринади. Атрофдаги корхоналардан чиқаётган маиший оқова сувлари дарёга қўшиб юборилганга ўхшайди.Бу биринчиси эмасҚайд этилишича, кейинги йилларда Чирчиқ дарёсида балиқлар миқдори кескин камайган. Соҳилбўйида қушлари ҳам сийраклашган. Аҳвол шундай давом этса, бир неча йилдан кейин Чирчиқ дарёсидан фақат чиқинди сув оқади. Шундоғам ўзи ҳеч нима қолмади, — дейилади Telegram’даги «Экологуз» кананлида.
Аввал ҳам шунга ўхшаш ҳолат Навоий вилоятида қайд этилиб, Зарафшон дарёсининг «Навоийазот» яқинидаги ҳудудида 829 дона балиқ оммавий заҳарланиб, нобуд бўлганди. Ҳолат юзасидан жиноят иши қўзғатилган.
Изоҳ (0)