Туркиянинг Мерсин шаҳрида полиция биносига қуролли ҳужум уюштирилиши оқибатида бир киши ҳалок бўлди. Расмийлар воқеани теракт сифатида баҳоламоқда, дея хабар берди Haber телеканали.
«Тахминан 23:00 (Тошкент вақти билан 01:00) Мерсин шаҳрининг Мезитли туманида номаълум шахслар полиция бўлимига қуролли ҳужум уюштирган», — дея қўшимча қилди телеканал.
Масофадан бошқариладган қўлбола бомбанинг портлаши ҳам қайд этилган.
Туркия ички ишлар вазири Сулаймон Сойлу теракт оқибатида бир полициячи ҳалок бўлганини, яна бир ҳуқуқ-тартибот ходими оғир яраланганини маълум қилди.
«Бунинг ортида қайси террорчилик ташкилоти тургани аллақачон маълум», — дея вазирнинг сўзларидан иқтибос келтирган Anadolu агентлиги.
Изоҳ (0)