Токиода юзлаб одамлар Япония собиқ бош вазири Синдзо Абэнинг давлат дафн маросими ўтказилишига қарши норозилик билдириш учун кўчаларга чиқди. Акциянинг кўплаб иштирокчилари «Давлат дафн маросимига қаршимиз!», «Дафн маросими бекор қилинсин!» деб ёзилган плакатлар кўтариб олган. Ҳозирча ҳибсга олинганлар ҳақида хабар берилмаган.
Синдзо Абэнинг давлат дафн маросими бугун, 27 сентябрь куни бўлиб ўтмоқда. Марҳум собиқ бош вазир хотирасига ҳурмат бажо келтирмоқчи бўлган одамлар ҳам кўчаларга чиқмоқда. Куданзака истироҳат боғида фуқароларнинг гул қўйишига мўлжалланган иккита меҳроб ўрнатилди. Боғ дафн маросими бўлиб ўтадиган «Будокан» аренаси яқинида жойлашган. Маросимда 20 мингга яқин полициячи хавфсизликни таъминламоқда.
Синдзо Абэ 8 июль куни митингда нутқ сўзлаётган вақтда отиб ўлдирилган эди. Шифокорлар сўзларига кўра, сиёсатчи бўйнининг ўнг қисмидан, шунингдек, юрагидан яраланган.
Изоҳ (0)