24 сентябрь куни Доғистонда сафарбарликка қарши оммавий акциялар бўлиб ўтди ва улар ҳибсга олишлар билан якунланди. Россия бўйлаб ҳарбий комиссариатларга ўт қўйиш авж олмоқда. Украинанинг босиб олинган ҳудудларида Россия таркибига кириш бўйича «референдумлар» ўтказилмоқда. Бир қатор давлатлар ҳозирданоқ уларнинг натижаларини тан олмаслигини билдирган. Meduza манбаларининг ёзишича, «референдумлар» якунлангач, сафарбарлик ёшидаги эркакларнинг Россиядан чиқиши тақиқланади. Айни пайтда Украина Қуролли кучлари босиб олинган ҳудудларни озод этишда давом этмоқда. Улардаги аҳоли рус аскарлари ташлаб кетган дала истеҳкомларини бузиб, ёғочларини ўтин учун ташимоқда: ойлаб давом этган ишғол ва ўққа тутишлардан кейин шаҳарларда на электр, на газ бор. Meduza урушнинг 214-кунига оид асосий фотосуратларни тақдим этди.
Украина Қуролли Кучларининг ярадор аскарларини эвакуация қилиш
Украина Қуролли Кучлари аскарлари ярадор сафдошини тез ёрдам машинасига ортмоқда. Бундан аввалроқ уларнинг отряди Донецк вилояти, Лиманский тумани Шурово қишлоғини озод қилган, у ерда Украина қарши ҳужумни давом эттирмоқда.Фото: AP Photo
Ярадор украиналик аскар сафдошларининг кўмаги билан Шурово қишлоғига тиббий ёрдам учун кетмоқда.Фото: AP Photo
«Днепр-1» махсус мақсадли патруль полкининг аскарлари Северский Донец дарёсидан ўтиб, озод қилинган Шурово қишлоғига келмоқда.Фото: AP Photo
Украинанинг озод қилинган ҳудудлари
Изюмдаги вайрон бўлган мактабнинг спорт зали. Шаҳар 11 сентябрь куни Украина Қуролли кучлари томонидан озод қилинган. Деярли олти ой давом этган ишғол ва жанглар давомида шаҳар отишмалардан катта зарар кўрган.Фото: AFP
Россия кучлари Изюмдан чекинаётган пайтда ташлаб кетилган зирҳли техникалар.Фото: AFP
Изюмлик киши россияликлар ташлаб кетган дала истеҳкомининг ёғочларини ўтин учун ташиб кетмоқда. Яқинда рус босқинидан озод қилинган шаҳарда электр, сув ва газ йўқ.Фото: Reuters
Маҳаллий аҳоли ўтин учун Изюм яқинида ташлаб кетилган рус истеҳкомларини бузмоқда.Фото: Reuters
Оккупация қилинган ҳудудларда «референдум»
Россия назоратидаги Мариуполда сайлов участкасига кираверишда турган қуролли аскар. Россия таркибига қўшилиш бўйича «референдум» 23—27 сентябрь кунлари қисман босиб олинган Донецк, Луганск, Запорожье ва Херсон вилоятларида бўлиб ўтмоқда. Бир қатор давлатлар аллақачон уларнинг натижаларини тан олмаслигни билдирган.Фото: EPA
Мариуполда аёл ўзини ўзи республика деб эълон қилган ДХРнинг Россияга кириши бўйича «референдум» плакатини кўтариб келмоқда.Фото: «ТАСС»
Ишғол қилинган Волновахадаги одамлар сайёр «сайлов участкаси»да овоз бермоқда.Фото: «ТАСС»
Россиядаги сафарбарлик
Москва шаҳрининг Кунцевский тумани ҳарбий хизматга чақирув коммиссариатида хизматга чақирилганларнинг қариндошлари. 21 сентябрь куни президент Путин қисман сафарбарлик тўғрисидаги фармонни имзолади. Бироқ, гувоҳларнинг хабар қилишича, кўплаб ҳарбий комиссариатлар буни иложи борича кенгроқ талқин қилмоқда ҳамда ёши ва армиядаги тажрибасидан қатъи назар, ҳаммани ҳарбий хизматга жалб қилишга уринмоқда. Бунга жавобан Россиянинг бир қатор минтақаларида ҳарбий комиссариатларга ўт қўйиш ва сафарбарликка қарши оммавий норозилик намойишлари бошланди.Фото: «ТАСС»
