Тошкент вилояти ҳокимлиги ахборот хизмати раҳбари Бекзод Қобулов ҳокимлик ва ҳокимлик мансабдорлари барча ОАВ вакиллари — журналист ва блогерлар билан ишлашга тайёрлигини, улар учун ҳар доим ҳозиржавоб бўлишини айтди.
Тошкент вилояти ҳокимлиги барча оммавий ахборот воситалари ходимлари билан ҳамкорликда ишлашга, уларнинг сўровига ҳозиржавоб бўлишга тайёрлигини маълум қиламиз. Бизнинг, шахсан менинг вазифам журналист ва блогерларнинг сўровига ўз вақтида муносабат билдириш. Аслида матбуот котиби ҳокимлик ва журналистлар ўртасида мулоқот яратгани учун, ҳокимликка бўлаётган саволларга ўз вақтида жавоб бергани учун маош олади, — дейди вилоят ҳокимлиги ахборот хизмати раҳбари Бекзод Қобулов.
Бизда бу борада муаммо йўқ, менимча. Барча туман ва шаҳар ҳокимликлари матбуот котиблари тўғридан-тўғри ҳокимлар билан мулоқот қила олади. Шахсан ўзим ҳам тўғридан-тўғри ҳоким билан гаплашаман ва маслаҳатлашаман. Матбуот котиблари фаолияти яхшилаш борасида ишларимиз кўп. Ишим аввалида вилоят ҳокими билан мулоқот қилиб, ноҳақ ишдан бўшатилган матбуот котибларидан бирини ўз ишига қайтаришни, шунингдек Нурафшон шаҳри ҳокимлигининг матбуот хизмати фаолиятини ривожлантириш борасида таклифлар бердим, — дейди у.
Бекзод Қобулов, шунингдек, «Rost24.uz» сайти журналисти Анора Содиқованинг сайтда эълон қилинган мақола сабаб Тошкент вилояти ва туманларида сайт жамоасига нисбатан душманқараш кайфият шаклланганини айтиб, бунга масъулнинг муносабатини сўради.
Мен ишим аввалида жамоамга бизни танқид қилган журналистнинг шахси қораланиши мумкинмаслиги, бизнинг камчилигимизни кўрсатган ОАВ вакилига раҳмат айтиб, уни тузатишга уринишимиз кераклигини тушунтирдим. Бундан кейин бунақа ҳолатлар учрамайди. Рост24 жамоаси билан дўстона ҳамкорликда давом этамиз, — деди Бекзод Қобулов журналист саволига жавоб берар экан.
Изоҳ (0)