Андижон шаҳрида Nexia-3 арава етаклаб кетаётган икки кишини уриб юборди. Бу ҳақда вилоят ИИБ матбуот хизмати хабар берди.
Маълум қилинишича, воқеа 24 сентябрь куни соат 01:00 ларда Андижон шаҳар Миллий тикланиш кўчасида юз берган. Ҳайдовчи Н.О. (1988 йилда туғилган) Nexia-3 ни бошқариб кетаётиб, ўзи билан бир йўналишда йўлнинг қатнов қисмида арава етаклаб кетаётган икки нафар пиёда — Т.О. (1979 йилда туғилган) ва С.Б.ни (2010 йилда туғилган) уриб юборган.
Оқибатда ҳар иккала пиёда тан жароҳати олиб шифохонага ётқизилган.
Ҳолат юзасидан Андижон шаҳри бўйича ИИОФМБ томонидан терговга қадар текширув ҳаракатлари олиб борилмоқда.
Мавзуга доир:
Изоҳ (0)