Жанубий Африканинг Плеттенберг кўрфазида улкан оқ акула саёзликда сузаётган аёлга ҳужум қилди, дея хабар бермоқда Daily Mail. Аёлни акула оғзидан қутқаришнинг имкони бўлмаган.
Қутқарувчилар аёлни ўлик ҳолда топган. Фавқулодда ҳолат туфайли маҳаллий ҳокимият кўрфазни ёпиб, огоҳлантирувчи белгилар ўрнатди. Бу охирги 11 йил ичида учинчи марта катта оқ акула ҳужуми бўлди.
Катта оқ акулаларнинг узунлиги 6,5 метрга, оғирлиги 2 тоннагача етади, уларда 300 қаторгача ўткир тишлар бўлади. Ов пайтида йиртқич соатига 55 километр тезликда ҳаракатлана олади. Одатда оқ акулалар тюленлар, денгиз шерлари, дельфинлар ва тошбақаларни овлайди.
Мутахассисларнинг фикрига кўра, улар одамларга тасодифан ҳужум қилади, уларни тюленлар билан адаштиради ва кўпинча бир луқма билан чекланади, шундан сўнг адашганини тушунади. Аммо одамнинг ўлиши учун бир тишлаш кифоя қилади.
«Улар одамларни атай қидирмайди, ҳужумлар камдан-кам учрайди ва одатда қасддан содир бўлмайди. Акула ҳужумидан кўра, яшин уриб ўлиш 47 баравар, мушакбозликдан ўлиш 11 баравар кўпроқ кузатилади. Асосийси, нотўғри вақтда нотўғри жойда бўлмаслик», — деди мутахассис.
Изоҳ (0)