22 сентябрь куни Шавкат Мирзиёев Нурафшон шаҳрида Халқ депутатлари Тошкент вилояти кенгашининг сессиясида иштирок этди. Унда аграр соҳадаги муаммолар санаб ўтилди, деб хабар беради «Дарё» мухбири.
Йиғилишда ташкилий масала — Тошкент вилоятига ҳоким тайинлаш мавзуси муҳокама қилинди. Президент ҳозирда вилоят ҳокими вазифасини бажарувчи ҳисобланган Зоир Мирзаев номзодини илгари сурди.
Номзод полиз, картошка, мева ва узум ҳосилдорлиги қолган ҳудудлардан 1,5—2 баравар пастлиги, сақлаш ва қайта ишлаш қувватлари камлиги натижасида 35 фоиз маҳсулот йўқотилаётганини қайд этган.
Президент вилоятдаги деҳқончилик ва чорвачиликка масъуллар бор имкониятнинг 50 фоизидан ҳам фойдаланмаётгани, ер майдонлари катта бўлса ҳам, мева-сабзавот экспорти кўпаймаётгани, гўшт етиштириш пойтахт ва вилоят эҳтиёжлари учун умуман етарли эмаслигини кўрсатиб ўтди.
Шу муносабат билан:
- Оҳангарон туманининг тоғ-олди ҳудудларида камида 50 минг гектар ерларни ўзлаштириш дастурини ишлаб чиқиш;
- 9 минг гектарни деҳқон хўжаликларига тарқатиш;
- Тошкент, Паркент, Янгийўл, Қибрайда логистика марказларини ишга тушириб, уларга 50 миллион доллар йўналтириш;
- Тошкент, Паркент ва Қибрай туманларида йил якунига қадар 4 миллион дона мева ва ток кўчатлари тайёрлайдиган питомникларни ташкил қилиш топширилди.
Изоҳ (0)