2022 йилнинг январь—август ойларида Ўзбекистон 511,6 миллион долларга тенг бўлган 20 765 та енгил автомобиль импорт қилган. Бу ҳақда «Дарё»га Давлат статистика қўмитаси ҳисоботидан маълум бўлди.
Натижада 8 ойдан буён автомобиллар импорти ўтган йилнинг шу даврига нисбатан 5 786 тага ошган.
Шу билан бирга, август ойида машина импорти ҳажми ўтган ойга нисбатан тушиб, 50,7 миллион долларга етган. Июлда Ўзбекистон 65 миллион долларлик автомобиль сотиб олган.
Таққослаш учун, январда автомобиллар импорти 65,7 млн, февралда 58,8 млн, мартда 64,8 млн, апрелда 91,1 млн, майда 40,1 ва июнда 75,4 млн долларни ташкил қилган.
Йил бошидан бери Ўзбекистон автомобиль экспорти ҳажми 187,2 млн долларни ташкил этди.
Шундай қилиб, 8 ой якуни бўйича автомобиль импорти экспортдан 216,5 миллион доллар — 2,4 мартага ошган.
Шу тариқа Ўзбекистон автомобилларни сотишдан кўра кўпроқ сотиб олишда давом этмоқда.
Аввалроқ Ўзбекистонда йил бошидан бери қайси автомобиль энг кўп ишлаб чиқарилаётгани ҳақида хабар берилганди.
Изоҳ (0)