Fesco транспорт гуруҳи Хитой ва Қозоғистон ҳудуди орқали Япониядан Ўзбекистонга Fesco Транс China Railway интермодал қатновини ташкил қилди. Бу ҳақда компания матбуот хизматига таяниб «ТАСС» хабар бермоқда.
Fesco транспорт гуруҳи ўз йўналишлари тармоғини кенгайтириш мақсадида Хитой ва Қозоғистон ҳудуди орқали Япониядан Ўзбекистонга Fesco Транс China Railway янги интермодал контейнер ташиш хизматини йўлга қўйди, — дейилади хабарда.
Компаниянинг таъкидлашича, хизмат қисман денгиз орқали Йокогама (Япония) портидан Лянюнган (Хитой) портига ўтади.
Сўнгра контейнерлар Хитой орқали Қозоғистон чегарасигача бўлган темир йўл йўналиши бўйлаб ҳаракатланади.
«Қорғос-Олтинкўл» чегара ўтказиш пунктида юк 1520 калибрли ҳаракатланувчи таркибга қайта юкланади, сўнгра Тошкентдаги Чуқурсой станциясига етказилади.
Контейнерлар ойига икки марта юборилади. Ташиш учун асосий юк Япониядан автомобиль бутловчи қисмлари бўлади, — дея қўшимча қилди Fesco.
Fesco порт, темир йўл ва интеграция логистика бизнеси соҳасидаги активларга эга бўлган Россиядаги энг йирик хусусий транспорт ва логистика компанияларидан биридир.
Изоҳ (0)