Португалия терма жамоаси ҳужумчиси Криштиану Роналду терма жамоалар миқёсида энг яхши тўпурарга бериладиган совринни қабул қилиб олди.
Португалиялик ҳужумчи ҳисобида 189 ўйинда 117 та гол мавжуд. У 109 та гол урган эронлик Али Дайини ортда қолдирганди.
«Бу кўламдаги совринни қўлга киритганимдан фахрланаман. Қачондир бунга эришаман деб ўйламагандим.
Фаолиятим давомида муҳим рол ўйнаган барчага миннатдорлик билдираман. Бу узоқ йўл эди, яна шуни таъкидламоқчиманки, у ҳали якунига етгани йўқ.
Криш ҳали шов-шув кўтаради», — дейди Роналду Португалия футбол федерацияси маросимида.
Аввалроқ, Криштиану Евро—2024 мусобақасида иштирок этиш ниятида эканлиги хабар қилинганди.
Изоҳ (0)