Portugaliya terma jamoasi hujumchisi Krishtianu Ronaldu terma jamoalar miqyosida eng yaxshi to‘purarga beriladigan sovrinni qabul qilib oldi.
Portugaliyalik hujumchi hisobida 189 o‘yinda 117 ta gol mavjud. U 109 ta gol urgan eronlik Ali Dayini ortda qoldirgandi.
“Bu ko‘lamdagi sovrinni qo‘lga kiritganimdan faxrlanaman. Qachondir bunga erishaman deb o‘ylamagandim.
Faoliyatim davomida muhim rol o‘ynagan barchaga minnatdorlik bildiraman. Bu uzoq yo‘l edi, yana shuni ta’kidlamoqchimanki, u hali yakuniga yetgani yo‘q.
Krish hali shov-shuv ko‘taradi”, — deydi Ronaldu Portugaliya futbol federatsiyasi marosimida.
Avvalroq, Krishtianu Yevro—2024 musobaqasida ishtirok etish niyatida ekanligi xabar qilingandi.
Izoh (0)