АҚШ президенти Жо Байден COVID-19 пандемияси тугаганини айтди, аммо мамлакатда вирус билан боғлиқ «муаммо» ҳамон сақланиб қолаётганини тан олди.
«Ҳалигача COVID-19 билан боғлиқ муаммо бор. Биз бу борада қаттиқ ишлаяпмиз. Аммо пандемия тугади», — деди Байден CBS News телеканалига берган интервьюсида.
«Эътибор берсангиз, ҳеч ким ниқоб тақаётгани йўқ. Афтидан, ҳамманинг ҳолати жуда яхши. Шунинг учун мен вазият ўзгармоқда деб ҳисоблайман», — деди у.
Аввалроқ Жаҳон соғлиқни сақлаш ташкилоти бош директори Тедрос Адханом Гебрейесус COVID-19 пандемиясининг ниҳояси яқинлигини айтганди.
«Ўтган ҳафтада COVID-ўлимлар ҳақида ҳафталик хабарлар сони 2020 йилнинг мартидан бери энг кам бўлди», — деди Гебрейесус.
Шу билан бирга, The New York Times нашрига кўра, АҚШда ҳалигача COVID-19 дан кунлик ўлимлар сони ўртача 400 дан ортмоқда. Пандемия бошланганидан бери 1 миллиондан ортиқ америкаликлар вирус оқибатида вафот этган.
Изоҳ (0)