Луганск Халқ Республикаси жамоатчилик палатаси раҳбари Алексей Карякин Россияга қўшилиш бўйича референдум ҳақида ўз фикрларини билдирди. Бу ҳақда «РБК» хабар бермоқда. Аввалроқ ЛХР жамоат палатаси Леонид Пасечник ва парламентга ЛХРни Россия субъекти сифатида тан олиш бўйича зудлик билан референдум ўтказиш таклифи борасида мурожаат қилган эди.
«Бу бир кунда битадиган иш эмаслигини яхши тушунасиз. Бугунги кунда ҳудудларда референдумни ташкил этиш учун барча зарур ишларни тўлиқ ҳисоблаб чиқиш зарур, бунга жиддий эътибор қаратамиз. Афсуски, биз эндигина ариза бердик, демак, сана ҳақида гапиришга ҳали эрта», — деди Карякин «Россия 24» телеканалининг эфирида.
Унинг қайд этишича, Жамоатчилик палатаси яқин орада референдумнинг мумкин бўлган шартлари бўйича жавоб олишга умид қилмоқда.
Нафақат Донбасс республикалари, балки Россия армияси томонидан назоратга олинган бошқа ҳудудларнинг ҳам Россия таркибига қўшилиши бўйича референдумлар ўтказиш ғоялари турфа даражаларда бир неча бор айтилган ва турли мумкин бўлган саналар таклиф қилинган.
«РБК» 1 сентябрь кунги манбаларга таяниб, Кремль Донбасс, Херсон, Запорожье ва Харьков вилоятлари республикаларида куз охиригача овоз бериш жараёнлари якунланиши ҳақида ёзган эди. «Яъни жараён Россияда ягона овоз бериш куни — 11 сентябрдан бошланиб, тахминан, 4-7 ноябрда тугаши кўзда тутилган», — дея таъкидлаганди президент маъмуриятига яқин манбалардан бири.
Мавзуга доир:
Изоҳ (0)