Янгийўлда ёш йигит ҳокимлик бермоқчи бўлган уйни ишхонасидан узоқ бўлгани учун олмади

Янгийўл туманида уйга муҳтож фуқаро унга ҳокимлик томонидан субсидияга эвазига таклиф этилган уйни иш жойидан узоқ бўлгани боис рад этди.

Туман ҳокими Улуғбек Ялгашев тумандаги ёшлар билан учрашувда уй-жойга муҳтож ёшлардан бири агар мезонларга тўғри келса, унга субсидия эвазига уй берилишини таклиф қилган.

«Давлат ишида ишлармидинг сен? Битта таклифим бор. Агар мезонлари тўғри келса, субсидияга ҳам берамиз. Ҳозир ‘Умид’ маҳалласидан уй бераман. Еттитами оилани жойлаштирганмиз. Фақат битта шарт билан, Худо хоҳласа, тўйингни қиламиз, калитни қўлингга берамиз. Ўша уйга бориб яшайсан. Розимисан, ‘Умид’ маҳалласидаги уйга? Қайси уй эканини биласанми? Эртага яна… А? Ёшлар етакчиси олиб бориб кўрсатади. Битта уйни бераман, давлатни уйи – ҳокимликни уйи. Сен бориб яшашинг мумкин. Шундай қилсак бўладими?», – деган туман ҳокими.

Ёш йигит ҳокимни таклифини рад этган.

«У ёқ чекка. Менинг иш жойим бу ёқда», – деб жавоб берган йигит.