Ўзбекистонда автотранспорт воситаларига ўрнатилган газ баллонлари нархи тушуши мумкин. Бу ҳақда Олий Мажлис Сенатининг Мудофаа ва хавфсизлик масалалари қўмитаси раиси Қутбиддин Бурхонов «Дарё» мухбирига берган интервьюсида айтиб ўтди.
Қутбиддин Бурхоновнинг маълум қилишича, газ баллонлари нархини минималлаштириш бўйича Вазирлар Маҳкамасига сўров юборилган.
«Ҳозирги кунда Ўзбекистонда уч вилоятда халқаро стандартлар талабига жавоб берадиган газ баллонлари ишлаб чиқарилмоқда. Бу чиқарилаётган маҳсулотлар ҳақиқий металдан тайёрлангани боис талабга жавоб бермайдиган, жуда юпқа тунука материалларидан тайёрланганларига нисбатан нархи бироз қиммат.Қўмита раиси «Дарё» мухбирининг газ баллонлари яқин келажакда арзонлашадими деган саволга «Ҳа, албатта» деб жавоб берди.Шунга биз Вазирлар Маҳкамасига юборган сўровимизда ҳам мамлакатда ишлаб чиқарилаётган газ баллонларини харидоргир қилиб тайёрлаш ва халқимизга пухта, хавфсизлик талабларига жавоб берадиган даражада ишлаб чиқариш масаласини киритдик. Ушбу талаблар ҳукуматда бугунги кунда ўрганилмоқда», – деди сенатор.
Унинг қўшимча қилишича, газ баллонлари эҳтиёжни қондирадиган даражада ишлаб чиқарилса ва ишлаб чиқарувчиларнинг сони кўпайса нархлар бир мунча арзонлашади.
Аввалроқ Олий Мажлис Сенатининг ўттиз иккинчи ялпи мажлисида Қутбиддин Бурхонов белгиланган миқдордан кўп газ қуйган шохобча лицензиясини бекор қилиш бўйича таклиф киритган эди.
Изоҳ (1)
Енгил автомобилларга урнатиладиган газ балон хакикатда ута киммат. Назоратга олингани яхши булибди. Тадбиркорларга кенг йул очиб берилди. Лекин бу дегани хохлаган нархда сотсин дегани эмас бензин сингари. Четдан хам кирсин хавфсиз арзон булиши керак. Узимизда чикиши албатта яхши лекин GM завод сингари уз халкига ута киммат нархга сотмаслик керак. Илгари Хитойдан олиб кирилган капрон газ балон енгил хавфсиз лекин темир балондан киммат булган. Хозирда четдан кирмагани хисобига нархи ута кимматлашиб кетди. Мен Россияда 3 ой юриб келдим. Уш жойда айнан машиналарга урнатилган газ балон хакида сурадим ва курдим. Россияда темир балон портлаши осон булгани учун енгил машиналарга урнатишга рухсат йук экан. Бизда акси нима Узбеклар темирдан яралганми. Капрон балон хавфсиз булгани учун Россияда рухсат бор буни кайта куриб чикиш керак деб уйлайман. Хозирда бизда ишлаб чикарилаёткан газ балон нархи ута киммат 500-600 доллор дейишяпти урнатиш. Илгари 2 млн 700 минг булган. Бензин нархи хам кушни давлатларга караганда ута киммат буни куриб чикиш керак. Бензин арзон булса шу бензинда юрган булар эдик. Растамочкани очмаганга кура шу муаммаларни халк учун енгиллик килиш керакми йукми ?