Yangiyo‘lda yosh yigit hokimlik bermoqchi bo‘lgan uyni ishxonasidan uzoq bo‘lgani uchun olmadi

Yangiyo‘l tumanida uyga muhtoj fuqaro unga hokimlik tomonidan subsidiyaga evaziga taklif etilgan uyni ish joyidan uzoq bo‘lgani bois rad etdi.

Tuman hokimi Ulug‘bek Yalgashev tumandagi yoshlar bilan uchrashuvda uy-joyga muhtoj yoshlardan biri agar mezonlarga to‘g‘ri kelsa, unga subsidiya evaziga uy berilishini taklif qilgan.

“Davlat ishida ishlarmiding sen? Bitta taklifim bor. Agar mezonlari to‘g‘ri kelsa, subsidiyaga ham beramiz. Hozir ‘Umid’ mahallasidan uy beraman. Yettitami oilani joylashtirganmiz. Faqat bitta shart bilan, Xudo xohlasa, to‘yingni qilamiz, kalitni qo‘lingga beramiz. O‘sha uyga borib yashaysan. Rozimisan, ‘Umid’ mahallasidagi uyga? Qaysi uy ekanini bilasanmi? Ertaga yana… A? Yoshlar yetakchisi olib borib ko‘rsatadi. Bitta uyni beraman, davlatni uyi – hokimlikni uyi. Sen borib yashashing mumkin. Shunday qilsak bo‘ladimi?”, – degan tuman hokimi.

Yosh yigit hokimni taklifini rad etgan.

“U yoq chekka. Mening ish joyim bu yoqda”, – deb javob bergan yigit.