Германия ҳукумати мамлакат энергетика бозоридаги инқирознинг олдини олиш мақсадида Uniper энергетика концерни ва яна иккита йирик газ импортёрини миллийлаштириш имкониятини кўриб чиқмоқда. Бу ҳақда манбаларга таяниб, Bloomberg агентлиги хабар бермоқда.
Маълумотларга кўра, гап шу йил охиригача Газпром Германиа деб номланган Uniper, Verbundnetz Gas (VNG) ва SEFE (Securing Energy for Europe) компанияларини давлат назоратига ўтказилиши ҳақида кетмоқда.
Шунингдек, Германия ҳукумати Финляндиянинг Fortum компанияси (Uniper акцияларининг 78 фоизига эгалик қилади) назорат пакетини номинал нархда сотиб олиш имкониятини кўриб чиқмоқда.
Кейин эса капитални ошириш орқали компанияга миллиардлаб евро сармоя киритади. Режанинг аниқ тафсилотлари ҳозирча келишиб олинмаган, бироқ оралиқ қарор яқин кунларда қабул қилиниши мумкин.
Мавзуга доир: Германия Россияга миллиардлаб евро тўлашда давом этмоқда — Reuters
Германия Иқтисодий ишлар ва иқлимни муҳофаза қилиш вазирлиги аввалроқ Газпромнинг собиқ шўъба корхонаси – SEFE’ни миллийлаштириш бўйича холдинг компания ташкил этилишидан хабардор эканлигини тасдиқлаган эди.
Ўтган ҳафта VNG компанияси энергия нархининг кескин кўтарилиши ва Россиядан газ етказиб беришнинг қисқариши сабабли давлатдан ёрдам сўраб мурожаат қилганди.
Шунингдек, Россиянинг Германияга йўналтирилган магистрал қувури узилгани сабабли, Uniper кунига 100 миллион евро зарар кўрмоқда.
Германия ҳукумати Uniperга молиявий ёрдам кўрсатиш бўйича музокаралар ҳақида изоҳ беришдан бош тортди.
Аввалроқ Германия стагфляция (иқтисодий фаоллик пасайиб, нархлар ошиши) хавфи остида эканлиги ҳақида хабар берилган эди.
Изоҳ (0)