Хоразм вилояти, Хива шаҳри, Газчи маҳалласидаги меҳмонхона кимошди савдосига қўйилди. Лот маълумотлари «E-auksion» порталига жойлаштирилган.
Лот аукционга «Хива Локомотив» компанияси томонидан қўйилган. Меҳмонхона 2 қаватли ва 35 хонадан иборат.
Ер участкасининг умумий майдони — 0,27 гектар. Бинонинг майдони — 1 157 квадрат метр.
2019 йилда қурилган ушбу меҳмонхонада электр, газ ва канализация тизими мавжуд. Сув таъминоти эса йўқ.
Аукционга қўйилган меҳмонхонанинг бошланғич баҳоси — 18,5 млрд сўм. Аризалар 26 сентябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Навоийдаги меҳмонхонанинг нархи туширилиб, қайта аукционга қўйилгани ҳақида хабар берилганди.
Изоҳ (0)