Ижтимоий тармоқларда Олтиариқ туманидаги мактабгача таълим ташкилотида 41 нафар бола заҳарлангани ҳақида хабарлар тарқалди. Ҳолат юзасидан Фарғона вилояти прокуратураси муносабат билдирди.
Аниқланишича, 14 сентябрь куни соат 18:00 да Олтиариқ тумани тиббиёт бирлашмасига тумандаги 39-сонли давлат мактабгача таълим ташкилотида тарбияланаётган 8 нафар вояга етмаган бола алиментар диарея (номутаносиб овқатланиш оқибатида овқат ҳазм қилиш тизимининг бузилиши) бирламчи ташхиси билан ётқизилган. Беморларнинг умумий ҳолати қониқарли.
Шунингдек, 15 сентябрь куни 33 нафар қайд қилинган муассаса тарбияланувчиларнинг ота-оналари фарзандлари саломатлигини тиббий кўрикдан ўтказиш мақсадида тиббиёт муассасасига мурожаат қилган. Уларда қайд қилинган касаллик аломатлари аниқланмаган, 20 нафари кузатув остида шифохонада қолдирилиб, 13 нафари шифохонадан чиқарилган.
Мазкур ҳолат юзасидан ҳозирда Олтиариқ тумани прокуратураси томонидан терговга қадар текширув ўтказилмоқда, экпертиза текшируви учун тегишли намуналар олиниб, суд-тиббий экспертизалари тайинланган. Текширув вилоят прокуратураси томонидан назоратга олинган.
Изоҳ (0)