Алабамада ўлимга ҳукм қилинган маҳбусни янги усулда қатл қилишмоқчи

АҚШнинг Алабама штатида жиноятчини янги, экспериментал тарзда қатл қилишмоқчи.

Алан Южин исмли шахс уч кишини ўлдиргани учун 1999 йилда қамоққа олинган ва ўлимга ҳукм қилинган. 23 йилдан сўнг  ниҳоят ҳукмни ижро этишга қарор қилишди.

Алабама штатида ўлим жазоси одатда тасдиқланган усулда — маҳкумга инъекция қилиш (укол қилиш) орқали амалга оширилади. Умумий олганда, АҚШда аллақачон 1300 киши шу тарзда қатл этилган. Аммо муаммо шундаки, Алан игнадан жуда қўрқади ва ҳукмни ижро этиш усулини ўзгартириш учун ариза топширди.

Катта эҳтимол билан у азот гипоксияси қўлланиладиган биринчи маҳбус бўлади. Бу экспериментал, инновацион техника бўлиб, бунда қатл этиладиган шахс махсус газ камерасига жойлаштирилади. У ерда кислород аста-секин азот билан алмаштирилади. Одам нафас ололмайди, бўғилиб қолиб ўлади.

Аммо ҳозиргача Алабамада ҳеч ким бундай усулда қатл этилмагани учун ҳамма бироз хавотирда - қамоқхона маъмурияти ҳам, Аланнинг ўзи ҳам.