Бош вазир Никол Пашинян Арманистондаги вазият туфайли Самарқанддаги ШҲТ саммитида иштирок этмайди. Бу ҳақда СпутникАрмениаъга ҳукумат матбуот хизмати хабар берди.
Маълумот учун, Озарбайжон қуролли кучлари Арманистон билан чегарада жанговар ҳаракатларни қайта бошлаган. 14 сентябрга ўтар кечаси Арманистон—Озарбайжон чегарасида вазият таранглигича қолган. Хусусан, Озарбайжон ҳарбийлари Жермук курорт шаҳри йўналишида ҳужумчи дронларни ишлатган.
Арманистон Мудофаа вазирлиги маълумотларига кўра, 14 сентябрь куни эрталаб Озарбайжон томони артиллерия, миномёт ва йирик калибрли қуроллардан фойдаланган ҳолда қайта ўт очишни бошлаган, шунингдек, Жермук ва Севан кўли яқинидаги Верин Шоржа қишлоғи йўналиши бўйича ҳужум операцияларини бошлаган.
Ўз навбатида, Озарбайжон Мудофаа вазирлиги Арманистонни Озарбайжон қўшинларининг Калбажар ва Лочин вилоятларидаги позицияларини ўққа тутганликда айблади.
Аввалроқ Ўзбекистон ТИВ Озарбайжон—Арманистон чегарасидаги вазиятга муносабат билдирганди.
«Ўзбекистоннинг ишончи комилки, барча масалалар ва мавжуд муаммоларни ҳал қилишнинг ягона тўғри йўли бу халқаро ҳуқуқ асосида ва илгари эришилган келишувлар доирасида тинчлик музокаралари ва маслаҳатлашувлар йўлидир.
Изоҳ (0)