Намангандаги автомобилларга газ қуйиш шохобчаларида нархлар пасайиши кузатилмоқда (видео)

Намангандаги автомобилларга газ тўлдириш шохобчаларида нархлар пасайиши кузатилмоқда. Бу ҳақда «Дарё» мухбири Азизбек Абдувалиев хабар бермоқда.

Бу борадаги овозаларга ишонч ҳосил қилиш учун бугун, 14 сентябрь куни тонгда Наманган шаҳрининг «Гўзал» даҳасидаги шохобчалардан бирига борганимизда 2700 сўмдан метан газ қуйилаётганига гувоҳ бўлгандик.

Туш пайтига келиб, вилоятдаги шохобчаларда чиндан ҳам нархлар пасайишни бошлаганини тасдиқловчи маълумотлар келишни бошлади.

Шу пайтгача вилоятдаги автомобилларга метан газ тўлдириш шохобчаларида ўртача нарх 2800 сўмни ташкил этган бўлса, ҳозирга келиб 15 дан ортиқ шохобчада бу кўрсаткич 2600 сўмгача пасайган.

Маълумот учун, бугунги кунда Наманган шаҳрида 27 та, вилоят бўйича эса жами 115 та автомобилларга газ тўлдириш компрессор шохобчаси фаолият кўрсатмоқда.

Мавзуга доир: «Metaн газ нархлари кўтарилганича йўқ, бироқ сезиларли тафовутлар бор». «Дарё» мухбирлари газ қуйиш шохобчаларидаги нарх-навони ўрганди