Қашқадарё вилояти Китоб туманида фуқаро томонидан дарахтлар кесилгани аниқланди. Бу ҳақда вилоят Экология бошқармаси хабар қилди.
Қайд этилишича, Экология ва атроф-муҳитни муҳофаза қилиш бошқармаси Китоб туман инспекторлари томонидан экологик назорат рейд тадбири олиб борилган. Назорат рейд тадбири давомида туманнинг «Бешариқ» МФЙ ҳудудида фуқаро Т.Ф. томонидан ноқонуний равишда дарахтларни кесиб ташлаганлик ҳолати аниқланган.
Ушбу ҳолат юзасидан ҳуқуқбузарга нисбатан Маъмурий жавобгарлик тўғрисидаги кодексининг 79-моддаси (дарахтларни, буталарни, бошқа ўсимликларни ва ниҳолларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш) 1-қисми билан маъмурий баённома расмийлаштирилган. 1 миллион 300 минг сўм жарима ҳамда 5 миллион 940 минг сўм зарар қўлланилган.
Изоҳ (0)