Самарқанд вилояти Пахтачи туманидаги "Самарқанд Дори-дармон" АЖга қарашли дорихона биноси кимошди савдосига қўйилган эди. «E-auksion» порталидаги маълумотларга кўра бино сотилган.
1981 йилда қурилган ушбу бино 3 қават, 41 та хонадан иборат.
Ер участкасининг умумий майдони — 0,2 гектар. Бинонинг майдони — 492 квадрат метр. Дорихонада газ, сув, электр таъминоти мавжуд бўлса-да, канализация тизими йўқ.
Аукционга қўйилган бинонинг бошланғич баҳоси 2 млрд сўм эди. 12 сентябрь куни бўлиб ўтган савдода дорихона 2,1 млрд сўмга сотилди.
Аукцион ғолиби сифатида «Жамшиджон универсал савдо» хусусий корхонаси кўрсатилган.
Аввалроқ МИБ томонидан аукционга қўйилган Тошкентдаги ҳовли бошланғич нархидан икки баробар арзонга сотилгани ҳақида хабар берилганди.
Изоҳ (0)