Tesla Шимолий Америкадаги биринчи бўлиши кутилаётган аккумуляторли литий гидроксид заводини қуриш вариантини ўрганмоқда. Литий гидроксид электр транспорт воситалари учун аккумуляторларни ишлаб чиқаришда ишлатилади. Бу ҳақда CNBC хабар бермоқда.
Завод қурилиши учун ариза Tesla томонидан Техас молия инспекциясига тақдим этилган. Мурожаатда таъкидланганидек, Tesla хом рудани қайта ишлаш ниятида ва ҳосил бўлган литий гидроксид кейинчалик Teslaнинг автомобиль аккумулаторлари заводларига етказиб берилади.
Аризада кўрсатилганидек, маҳсулотларни денгиз орқали ташишни осонлаштириш учун бундай завод Техас қирғоғида жойлашган бўлиши мумкин.
Шу билан бирга, компания Tesla’га давлат қонунчилигига мувофиқ солиқ имтиёзлари берилган тақдирдагина ушбу ишлаб чиқариш обектини қуриш фойдали бўлишини таъкидламоқда.
Агар ариза маъқулланса, компания қурилишни жорий йилнинг тўртинчи чорагида бошлашга ва 2024 йил охиригача ишлаб чиқаришни бошлашга тайёр.
Бундай заводнинг пайдо бўлиши Tesla компаниясига аккумулаторлар ишлаб чиқариш учун литий етказиб беришни диверсификация қилиш имконини беради.
Ҳозирги вақтда Хитой барча литийни қайта ишлаш операцияларининг ярмидан кўпини, АҚШ эса фақат 1 фоизини назорат қилади. Шу билан бирга, бу йил литюм нархи 120 фоизга ошган.
Аввалроқ дунёда металл нархи глобал рецессия хавотирлари туфайли туша бошлагани ҳақида хабар берилганди.
Изоҳ (0)