АҚШ президенти Жо Байден маъмурияти октябрь ойида Хитойга чиплар ва сунъий интеллект воситалари ишлаб чиқариш учун зарур яримўтказгичларни экспорт қилиш бўйича чекловларни кенгайтиришни режалаштирмоқда. Бу ҳақда Reuters масаладан хабардор манбаларга таяниб, ёзмоқда.
Агентлик маълумотларига кўра, АҚШ Савдо вазирлиги яримўтказгичларни экспорт қилиш бўйича янги қоидаларни эълон қилмоқчи, бу ҳақда Американинг учта компаниясига — КЛА Corp., Лам Research Corp. ва Applied Materials Inc.га йўлланган мактубларда аллақачон айтиб ўтилган. Вазирлик уларга 14 нанометрдан кам техпроцсесли илғор яримўтказгичлар ишлаб чиқарадиган Хитой заводларига чип ишлаб чиқариш ускуналарини рухсатсиз жўнатишни тақиқлади.
Янги қоидалар Nvidia Corp. ва Advanced Micro Devices Inc.га илгари қўйилган чекловларни кенгайтириши мумкин, дейилади хабарда. Ушбу компанияларга махсус лицензиясиз сунъий интеллект тизимлари учун бир неча турдаги чиплар етказиб бериш тақиқланган эди.
АҚШ 2020 йилда Хитой компанияларига Америка технологиясини сотишни чеклай бошлади. Улар орасида Semiconductor Manufacturing International Corp. ва Hangzhou Hikvision Digital Technology Cо. каби фирмалар бор. Бу чора фирмаларнинг ўсиш суръатларини чеклаб қўйди, бироқ ишлаб чиқаришни рағбатлантирди, жумладан йирик Ғарб компаниялари хитойлик ишлаб чиқарувчиларга қизиқиш билдира бошлади, деб ёзади Bloomberg.
Изоҳ (0)