Қашқадарё вилояти прокуратураси масъул ходими вилоят халқ таълими бошқармаси ахборот хизмати раҳбарига босим ўтказиб, ОАВда чиққан хабарни ўчиртиришни буюрди. Бу ҳақда Telegram’даги Қитмир мухбир каналида хабар берилди.
«Дарё» мухбирининг аниқлаштиришича, прокуратура масъули, тўққизинчи бўлим ходими Илҳом Усмонов вилоят халқ таълими бошқармаси ахборот хизмати раҳбари Жавоҳир Рустамовга босим ўтказган.
Суиқасдми ёки суицидми, фарқи йўқ, матбуотда бунақа маълумотни чиқариш мумкин эмас. Ўша журналист ва блогерлар сизга таниш бўлса, уларга айтинг, ўчиришсин. Буни матбуотда ёритиш умуман мумкин эмас», — деган Жавоҳир Рустамов билан мулоқот қилган прокуратура ходими Илҳом Усмонов.«Дарё» мухбирининг бу ҳақдаги сўровига жавоб берган вилоят халқ таълими бошқармаси ахборот хизмати раҳбари Жавоҳир Рустамов воқеани тасдиқлади.
Бу шунчаки иш. Ишда бунақа ҳолатлар бўлиб туради. Буни ёритиш шарт эмасдир. Мен ҳам Илҳом акага менга бундай муомала қилмаслиги кераклигини, ОАВ вакиллари берган ахборотни ўчиртириш ваколатим йўқлигини тушунтирдим», — дейди вилоят халқ таълими бошқармаси ахборот хизмати раҳбари.Жавоҳир Рустамовнинг тушунтиришича, вилоятнинг Нишон туманидаги мактабда ўқувчи ўз жонига қасд қилган. Бу хабар вилоятдаги нашрлар ҳамда блогерлар томонидан оммага олиб чиқилган. Прокуратура ходими эса халқ таълими бошқармаси масъулидан айнан шу хабарни ўчиртиришни талаб қилган.
«Дарё» воқеалар ривожини кузатишда давом этади.
Изоҳ (0)