Qashqadaryo viloyati prokuraturasi mas’ul xodimi viloyat xalq ta’limi boshqarmasi axborot xizmati rahbariga bosim o‘tkazib, OAVda chiqqan xabarni o‘chirtirishni buyurdi. Bu haqda Telegram’dagi Qitmir muxbir kanalida xabar berildi.
“Daryo” muxbirining aniqlashtirishicha, prokuratura mas’uli, to‘qqizinchi bo‘lim xodimi Ilhom Usmonov viloyat xalq ta’limi boshqarmasi axborot xizmati rahbari Javohir Rustamovga bosim o‘tkazgan.
Suiqasdmi yoki suitsidmi, farqi yo‘q, matbuotda bunaqa ma’lumotni chiqarish mumkin emas. O‘sha jurnalist va blogerlar sizga tanish bo‘lsa, ularga ayting, o‘chirishsin. Buni matbuotda yoritish umuman mumkin emas”, — degan Javohir Rustamov bilan muloqot qilgan prokuratura xodimi Ilhom Usmonov.“Daryo” muxbirining bu haqdagi so‘roviga javob bergan viloyat xalq ta’limi boshqarmasi axborot xizmati rahbari Javohir Rustamov voqeani tasdiqladi.
Bu shunchaki ish. Ishda bunaqa holatlar bo‘lib turadi. Buni yoritish shart emasdir. Men ham Ilhom akaga menga bunday muomala qilmasligi kerakligini, OAV vakillari bergan axborotni o‘chirtirish vakolatim yo‘qligini tushuntirdim”, — deydi viloyat xalq ta’limi boshqarmasi axborot xizmati rahbari.Javohir Rustamovning tushuntirishicha, viloyatning Nishon tumanidagi maktabda o‘quvchi o‘z joniga qasd qilgan. Bu xabar viloyatdagi nashrlar hamda blogerlar tomonidan ommaga olib chiqilgan. Prokuratura xodimi esa xalq ta’limi boshqarmasi mas’ulidan aynan shu xabarni o‘chirtirishni talab qilgan.
“Daryo” voqealar rivojini kuzatishda davom etadi.
Izoh (0)