Бухорода содир бўлган ЙТҲ сабаб велосипед ҳайдовчиси вафот этди. Бу ҳақда «Дарё»га вилоят ИИБ ЙҲХБ ахборот хизмати бошлиғи, капитан Улуғбек Шукуруллаев хабар берди.
Таъкидланишича, Бухоро туманининг Чорбакр ҳудудидан ўтувчи 4Н-169 автомобиль йўлининг 4-километрида юк автомобили ва велосипед ҳайдовчиси иштирокида ЙТҲ содир бўлган. Юк автомобили ҳайдовчиси ўзидан олдинда қўл кучи билан ҳаракатланадиган янги русумдаги велосипедни бошқариб бораётган фуқарони уриб юборган. Натижада велосипед ҳайдовчиси, 1945 йилда туғилган фуқаро Р.Х. оғир тан жароҳати олган. Бемор шифохонада вафот этган.
Мазкур ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) бўйича жиноят иши қўзғатилган. Айни пайтда тергов ҳаракатлари олиб борилмоқда.
Изоҳ (0)